Lífið í Austurkoti

Mig grunar að það hafi ekki allir aðgang að Snjáldurskinnu (facebook), svo ég set líka hérna inn myndir sem eru nú þegar komnar á Snjáldurskinnu. Við vorum boðin í afmælisveislu til Matild sem varð sjötug síðasta mánudag. Auk okkar voru þar sonur þeirra Rui ásamt eiginkonu og dætrum. Þetta var í fyrsta skipti sem okkur var boðið að borða í stofunni, venjulega borðum við í eldhúsinu sem er eina herbergið í húsinu sem er hitað upp með arni. En nú var virkileg hátíð svo stofan var hituð upp með færanlegum rafmagnsofni svo þar var notalegt að vera og gott að þurfa ekki að sitja í úlpum við að borða. Fyrst kemur mynd af Matild ásamt sonardætrunum sem eru 10 og 12 ára, þar sést líka hvað húsgögnin eru fallega útskorin og stólbakið er bólstrað með útskornu leðri.

Þessa mynd tók ég af ofninum þegar Matild var að baka brauð, askan og glóðin er fremst á brúninni

Svo skelltum við okkur í fyrsta ferðalag sumarsins á miðvikudaginn haldið var norður til borgar sem heitir Guimegáes. Þar gengum við um í rjómablíðu skoðuðum gosbrunna og gömul hús og fengum okkur svo að borða á notalegum matstað sem við rákumst á.

Svo keyrðum við þjóðveginn heim með viðkomu á stað sem kallast Ármót, vegna þess að þar sameinast tvær ár sem renna til sjávar í Porto.

Það var líka þessi unaðsblíða, hitinn + 22° og logn svo að bæði brýr og hús spegluðust í lygnri ánni.

Eins og ég hef víst talað um áður erum við í leikfimi 2x í viku, það gefur okkur mikið bæði hreyfingin og félagsskapurinn. Undanfarið höfum við verið að æfa dans sem við eigum að sýna þegar við förum á heldriborgaramót í apríl, ég kallaði þetta regndansinn því það rigndi stanslaust á meðan við æfðum.
Svona gerum við þegar við dönsum okkar dans….

En svo bauð sveitarfélagið okkur á Carneval sem haldið var í diskóteki sem er hér í grenndinni.
Ég velti lengi fyrir mig hvernig ég gæti klætt mig til að vera svolítið öðruvísi, þá mundi ég eftir búningi sem mér áskotnaðist þegar ég fór til Malasíu að heimsækja son minn. Búningurinn er svo sérstakur að hann passar ekki vel við klæðaburð okkar í Evrópu svo nú var komið kjörið tækifæri til að nota hann. Þetta er perlu og pallíettusaumaður jakki og gólfsítt pils við, ég notaði bara jakkann og saumaði höfuðskraut sem ég festi á hárspöng og fór svona á ballið.

Það varð viðsnúningur á veðrinu, eins og Palli var búinn að segja og undanfarnir dagar hafa verið tóm sól og sæla. Mér líður eins og ég hafi fengið vítamínsprautu (þó ég hafi aldrei prófað það) en við það að sjá sólina og komast út í garð til að rótast í moldinni og vinna þau verk sem þar bíða, finnst mér ég vera full af orku og geta hvað sem er, miðað við hangsið inni dögum saman á meðan rigningatíðin varði. Það er svo gaman að sjá hvernig náttúran öll lifnar við og gjörbreytist á fáeinum dögum, grasið grænkar, blómin stinga upp kollinum og ný laufblöð spretta út á runnum sem fella laufið á veturna.
Magnolíutrén sem fella laufið á haustin byrja á því að blómstra áður en þau laufgast, við erum með nokkrar tegundir af Magnolíu í garðinum og sú fyrsta til að blómgast heitir Stella, blómin eru bæði falleg og þau ilma vel

svo eru tvær tegundir af Camillu, önnur ber hvít blóm en hin rauð, þau eru í blóma núna

Við fengum til okkar garðyrkjumann til að klippa ávaxtatrén, sem þarf að gera á hverju ári. Ég set hér inn myndir af Fíkjutrénu sem var orðið svo stórt því það hefur orðið útundan með klippingu undanfarið,  það stendur í kantinum á tröðinni við geymsluskúrinn

Það verður fróðlegt að sjá hvernig það spjarar sig í sumar og hvort það gefur okkur  fíkjur í haust.

Til dæmis sprettur kálið vel, við settum þetta niður áður en við fórum til Íslands síðast í september. Appelsínurnar detta af trénu og eru svo margar að þær fá bara að liggja þar til styttir upp

Rósirnar eru byrjaðar að laufgast

Páskaliljurnar eru byrjaðar að blómstra og sumarblóm frá því í fyrra eru líka farin að blómstra

Já það rignir ennþá rösklega í dag en Palli, veðurvitinn á bænum segir að það sé spáð sól á morgun og næstu daga, það verður reglulega notalegt.

Ég veit ekki hvort nafnið á betur við um ástandið í garðinu hérna í Austurkoti þessa dagana. Það hefur gerst áður eftir svona rigningar að það safnast vatn á næstu lóð fyrir ofan okkur, svo finnur vatnið sér leið undir hlaðna múrinn,

Í dag er ég auðvitað ennþá hressari enda búin að eiga frábæran dag. Sem byrjaði með því að bóndinn færði mér í rúmið, eitthvað gott að borða, blómvönd, kort sem hann bjó til í tölvunni og logandi kerti. Ekki amaleg byrjun það.

Svo fórum við í leikfimi eins og venjan er á mánudagsmorgnum, ekki veitti af að hreyfa sig vitandi það að þetta yrði mikill átdagur.
Svo var brunað til Aveiro á veitingastað sem við förum oft á svona spari, hann heitir Torigalo, við  höfum farið með marga okkar gesti þangað því þar er góður matur.
Það fór eins fyrir okkur núna eins og stundum áður þegar við förumm í innkaupaleiðangur með það í huga að kaupa ákveðinn hlut og komum svo heim með eitthvað allt annað. Palli kallar það að vera svo sveigjanleg. Það var ætlunin að kaupa skammel handa mér í afmælisgjöf, en þegar við fundum enga svoleiðis græju var farið að skoða vöruúrvalið sér til skemmtunar, kom ég auga á sambyggðan prentara og skenner sem hafði líka þann möguleika að geta prentað eða sett inn í tölvu myndir af 35 mm filmum. Þar sem ég virðist hafa glatað flestum mínum mynda albúmum í flutningnum hingað en á flestar mínar filmur í geymslu hjá dóttur minni, var ég ekki lengi að samfæra Palla um að mig bráðvantaði svona tæki. Eða hann að samfæra mig um að ég þyrfti endilega að eignast það. Við fórum heim með tækið sem reynist vera alveg súpergott, heitir Canon MP 980. Þetta er búinn að vera einstaklega góður dagur, ég er búin að fá mörg símtöl og tölvukveðjur.  Takk öll saman, sem gerðuð þennan dag svo góðan.