Lífið í Austurkoti

Ef þið nennið að sitja í bíl hjá mér í fimm mínútur,  á meðan ég keyri frá Albergaria að Austurkoti. Mér finnst leiðin svo falleg, sérstaklega á þessum árstíma, sjáið alla grænu litina á trjánum meðfram veginum. Videóið er á You Tube sem er merkt hérna til hliðar og slóðin er þessi
http://www.youtube.com/austurkot

Hverfum eina viku aftur í tímann, þann dag fórum við ásamt öðrum heldri borgurum í dagsferð til staðar sem heitir Torres Vedras. Á þeim stað söfnuðust saman nokkur hundruð heldri borgarar af svæðinu frá Albergaria A Velha til Torres Vedras til að sýna sig og sjá aðra. Þáttakendur frá hverju sveitafélagi fyrir sig höfðu æft atriði eða dansa sem þeir sýndu þarna. Við sýndum auðvitað okkar regn dans sem var vel við hæfi því það rigndi meira og minna þennan dag en hékk þó þurrt rétt á meðan við sýndum okkar atriði

Svo sést hópurinn ganga að rútunum eftir stutt kaffistopp á bensínstöð á leiðinni heim, það voru allir ánægðir með daginn þrátt fyrir rigningu.

Prins er greinilega köttur sem fer sínar eigin leiðir, honum finnst plantan í pottinum greinilega hið besta undirlag, þegar hann fær sér blund eftir matinn

Það er stundum talað um gúrkutíð hjá blaðamönnum þegar lítið er í fréttum. Nú er það svoleiðis hjá mér að það er frekar lítið að frétta úr Austurkoti, svo að mér datt í hug að sýna ykkur gulrætur sem ég tók upp úr garðinum um daginn. Ekki get ég gortað af mikilli uppskeru en gulræturnar voru svo skemmtilegar í útliti að þið fáið að sjá þær. Það er með þær eins og mannfólkið, sumar eru stuttar og mjóar, aðrar stuttar og sverar og svo framvegis. Og ekki orð um það meira.

Enn höldum við áfram með að rífa upp runna með rótum og planta nýju í staðinn. Nú voru það tveir runnar sem mynduðu inngang á baklóðina þar sem ávaxtatrén og laukurinn er. Þessi mynd var tekin fyrir tveimur árum, runnarnir voru orðnir eins og tveir stólpar og það var sama hvað mikið var klippt af þeim, þeir héldu áfram að þenja sig út og suður. Það eru dökkgrænu runnarnir til hægri.
Nú sátum við uppi með fimm litlar plöntur af Cedrus viði sem við ætluðum að setja a veröndina en keyptum svo stærri plöntur til að setja þar.

Þá var tekin ákvörðun um að fjarlægja þessa runna og setja þrjár litlar plöntur í staðinn